ماهزني كلمة عذولٍ بداها
مدامني بالعز دايم تربيت
نفسي من العزه تعلت سماها
من نسل شيخٍ ذايع العلم والصيت
بنت الرجال اللي تعلى نباها
اللي لهم بالطيب والمرجله بيت
لي هامةً محد وصل مستواها
ولي عزةً في ساعة الجد لا اقفيت
مدام ربي بالمكارم عطاها
لي هيبةً وسط الخلايق ليا جيت
ياحاسدي نفسي بعيدٍ مداها
ماتلتفت لهروج حقدك ليابديت
روحي عزيزه ماقدر من نواها
لا خاب ضني عن نواياه صديت
ياظالمه هي كلمة لا حكاها
وانا عظيمه بالمكارم تغذيت
اقفي واصد بعزتي واتباها
مدامني في دار عزٍ تربيت
وهذي يديني ترتفع مع دعاها
بسم الولي في تالي الليل ناديت
دعيته بنصر يحقق مناها
ربي يحقق بالدعاء ما تمنيت
